ਨਕੋਦਰ: ਏ ਕਲਾਸ ਨਗਰ ਕੌਂਸਲ ਨਕੋਦਰ ਵਲੋਂ ਆਮ ਪਬਲਿਕ ਨੂੰ ਸ਼ਹਿਰ ਦੀ ਸਵੱਛਤਾ ਸਬੰਧੀ ਜਾਗਰੂਕ ਕਰਨ ਦੇ ਮੰਤਵ ਨੂੰ ਮੁੱਖ ਰੱਖਦਿਆਂ ਮਿਤੀ 17-09-2023 ਦਿਨ ਅੇੈਤਵਾਰ ਨੂੰ ਕਾਰਜ ਸਾਧਕ ਅਫਸਰ ਰਣਧੀਰ ਸਿੰਘ ਦੀ ਯੋਗ ਅਗਵਾਈ ਹੇਠ ਸੱਵਛਤਾ ਰੈਲੀ ਦਾ ਆਯੋਜਨ ਕੀਤਾ ਗਿਆ । ਇਹ ਸਵੱਛਤਾ ਰੈਲੀ ਸ਼ਹਿਰ ਨਕੋਦਰ ਦੀ ਆਨ ਬਾਨ ਤੇ ਸ਼ਾਨ ਕਹਿਲਾਉਣ ਵਾਲੇ ਪੁਰਾਤੱਤਵ ਮਕਬਰੇ ਤੋਂ ਸ਼ੁਰੂ ਕੀਤੀ ਗਈ। ਇਸ ਰੈਲੀ ਵਿੱਚ ਸ਼ਹਿਰ ਦੇ ਨੋਜਵਾਨਾਂ, ਵੱਖ-ਵੱਖ ਸਕੂਲਾਂ ਦੇ ਵਿਦਿਆਰਥੀਆਂ, ਐਨ.ਸੀ.ਸੀ ਕੇਡਰ ਅਤੇ ਐਨ.ਐਸ.ਐਸ ਵਲੰਟੀਅਰ ਤੋਂ ਇਲਾਵਾ ਉਹਨਾਂ ਦੇ ਇੰਚਾਰਜ ਮਿਸ ਸੁਨੀਤਾ ਗਿੱਲ ਨੇ ਵਿਸ਼ੇਸ ਤੌਰ ਤੇ ਅਪਣਾ ਯੋਗਦਾਨ ਪਾਇਆ। ਇਸ ਰੈਲੀ ਪ੍ਰਤੀ ਸ਼ਹਿਰ ਦੇ ਨੌਜਵਾਨ ਅਤੇ ਵਿਦਿਆਂਰਥੀਆਂ ਵਲੋਂ ਸ਼ਹਿਰ ਵਾਸੀਆਂ ਨੂੰ ਆਪਣੇ ਆਲੇ ਦੁਆਲੇ ਨੂੰ ਸੱਵਛ ਰੱਖਣ ਦਾ ਸੰਦੇਸ਼ ਦਿੱਤਾ ਅਤੇ ਸ਼ਹਿਰ ਵਾਸੀਆਂ ਨੂੰ ਸਫਾਈ ਵਿਵਸਥਾ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਲਈ ਅਪਣੇ ਘਰਾਂ ਦਾ ਗਿੱਲਾ ਅਤੇ ਸੁੱਕਾ ਕੂੜਾ ਅਲਗ-ਅਲਗ ਕਰਨ ਦੀ ਪੁਰਜ਼ੋਰ ਅਪੀਲ ਕੀਤੀ। ਇਸ ਰੈਲੀ ਨੂੰ ਸੰਬੋਧਨ ਕਰਦਿਆਂ ਕਾਰਜ ਸਾਧਕ ਅਫਸਰ ਰਣਧੀਰ ਸਿੰਘ ਨੇ ਸ਼ਹਿਰ ਨਕੋਦਰ ਦੇ ਵਾਸੀਆਂ ਨੂੰ ਪੁਰਜ਼ੋਰ ਅਪੀਲ ਰਾਹੀਂ ਜਾਗਰੂਕ ਕਰਦਿਆ ਸਫ਼ਾਈ ਸਬੰਧੀ ਯੋਗਦਾਨ ਪਾਉਣ ਲਈ ਪ੍ਰੇਰਿਤ ਕਰਦਿਆਂ ਕਿਹਾ ਕਿ ਏ ਕਲਾਸ ਨਗਰ ਕੌਂਸਲ ਨਕੋਦਰ ਵਲੋਂ 2 ਅਕਤੂਬਰ 2023 ਤੱਕ ਲੜੀ ਵਾਈਜ਼ ਸੱਵਛਤਾ ਅਭਿਆਨ ਦੇ ਸਬੰਧ ‘ਚ ਵੱਖ-2 ਪ੍ਰੋਗਰਾਮ ਉਲੀਕੇ ਜਾ ਰਹੇ ਹਨ, ਤਾਂ ਜੋ ਸਹਿਰ ਨਕੋਦਰ ਨੂੰ ਸਵੱਛ ਭਾਰਤ ਮਿਸ਼ਨ 2023 ਦੇ ਤਹਿਤ ਸਵੱਛ ਅਤੇ ਸੁੰਦਰ ਬਣਾਇਆ ਜਾ ਸਕੇ। ਇਸ ਸਵੱਛਤਾ ਰੈਲੀ ਵਿੱਚ ਨੌਜਵਾਨ ਵਿਦਿਆਰਥੀਆਂ ਵਲੋਂ ਭਾਰੀ ਉਤਸ਼ਾਹ ਦਿਖਾਇਆ ਗਿਆ। ਇਸ ਮੌਕੇ ਤੇ ਏ ਕਲਾਸ ਨਗਰ ਕੌਂਸਲ, ਨਕੋਦਰ ਦੇ ਕਾਰਜ ਸਾਧਕ ਅਫਸਰ ਰਣਧੀਰ ਸਿੰਘ, ਸੈਨਟਰੀ ਇੰਸਪੈਕਟਰ ਘਨਸ਼ਾਮ, ਪੁਰਾਤੱਤਵ ਸਰਵੇਖਣ ਇੰਚਾਰਜ ਸੁਰਿੰਦਰ ਕੁਮਾਰ, IEC Expert ਸੰਦੀਪ ਕੁਮਾਰ, CF ਮਿਸ ਨੀਲਮ ਸ਼ਰਮਾ, ਕਲਰਕ ਨਵੀ ਨਾਹਰ, ਹਿੰਮਾਂਸ਼ੂ ਅਰੋੜਾ, ਨਿਰਦੋਸ਼ ਭਟਾਰਾ, ਕਪਿਲ ਸ਼ਰਮਾ, ਜਤਿੰਦਰ ਕਪੂਰ,ਅਤੇ ਸੱਵਛ ਭਾਰਤ ਮਿਸ਼ਨ ਦੇ ਸਮੂਹ ਮੋਟੀਵੇਟਰਾਂ ਵਲੋਂ ਵੱਧ ਚੜ੍ਹਕੇ ਹਿੱਸਾ ਲਿਆ ਗਿਆ।
