Crime News : ਕਈ ਵਾਰ ਅਜਿਹੀਆਂ ਖ਼ਬਰਾਂ ਆਉਂਦੀਆਂ ਹਨ, ਜੋ ਦਿਲ ਨੂੰ ਝੰਜੋੜ ਦਿੰਦੀਆਂ ਹਨ। ਜਿਸ ਨੂੰ ਸੁਣ ਕੇ ਰੂਹ ਕੰਬਣ ਲੱਗਦੀ ਹੈ। ਅਸੀਂ ਹੈਰਾਨ ਹੁੰਦੇ ਹਾਂ ਕਿ ਕੋਈ ਅਜਿਹਾ ਕਿਵੇਂ ਕਰ ਸਕਦਾ ਹੈ? ਸਿਰਫ਼ 15 ਸਾਲ ਦੀ ਉਮਰ ਵਿੱਚ ਇੱਕ ਬੱਚੇ ਨੂੰ ਜਨਮ ਦੇਣ ਵਾਲੀ ਇੱਕ ਬੱਚੀ ਨੇ ਸਿਰਫ਼ ਇਸ ਲਈ ਉਸਦਾ ਗਲਾ ਘੁੱਟ ਦਿੱਤਾ ਕਿਉਂਕਿ ਉਸਨੂੰ ਬੱਚੇ ਦੇ ਰੋਣ ਤੋਂ ਨਫ਼ਰਤ ਸੀ। ਬੱਚੇ ਨਾਲ ਕੀਤੀ ਅਜਿਹੀ ਹਰਕਤ, ਜਿਸ ਨੂੰ ਸੁਣ ਕੇ ਦਿਲ ਕੰਬ ਜਾਵੇਗਾ। ਹੁਣ ਉਸ ਨੂੰ ਆਪਣੇ ਗੁਨਾਹਾਂ ਦੀ ਸਜ਼ਾ ਮਿਲਣੀ ਜਾ ਰਹੀ ਹੈ।
15 ਸਾਲ ਦੀ ਉਮਰ ‘ਚ ਬੱਚੀ ਨੇ ਦਿੱਤਾ ਬੱਚੇ ਨੂੰ ਜਨਮ
ਮਾਮਲਾ ਬ੍ਰਿਟੇਨ ਦਾ ਹੈ। ਪੈਰਿਸ ਮੇਓ ਨਾਂ ਦੀ ਇਸ ਲੜਕੀ ਨੂੰ ਬੀਤੇ ਦਿਨੀਂ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ ਸੀ। ਜਾਂਚ ਏਜੰਸੀਆਂ ਨੇ ਅਦਾਲਤ ਨੂੰ ਦੱਸਿਆ ਕਿ ਮੇਓ ਅਚਾਨਕ ਗਰਭਵਤੀ ਹੋ ਗਈ ਜਦੋਂ ਉਹ 15 ਸਾਲ ਦੀ ਸੀ। ਉਸ ਦੇ ਅਨੁਸਾਰ, ਉਸ ਨੂੰ ਨਹੀਂ ਪਤਾ ਕਿ ਉਹ ਗਰਭਵਤੀ ਕਿਵੇਂ ਹੋਈ। ਉਸ ਨੇ ਇਹ ਗੱਲ ਆਪਣੇ ਪਰਿਵਾਰ ਤੋਂ ਵੀ ਛੁਪਾ ਕੇ ਰੱਖੀ। 2019 ਵਿੱਚ ਇੱਕ ਰਾਤ 9.30 ਵਜੇ ਉਸਨੇ ਇੱਕ ਬੱਚੇ ਨੂੰ ਜਨਮ ਦਿੱਤਾ। ਉਦੋਂ ਬੱਚੇ ਦਾ ਭਾਰ 3.56 ਕਿਲੋ ਸੀ।
ਇੰਝ ਕੀਤਾ ਬੱਚੇ ਦਾ ਕਤਲ
ਬੱਚਾ ਪੈਦਾ ਹੁੰਦੇ ਹੀ ਰੋਣ ਲੱਗ ਪਿਆ ਤਾਂ ਮੇਓ ਨੇ ਪਹਿਲਾਂ ਉਸ ਨੂੰ ਸ਼ਾਂਤ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਜਦੋਂ ਉਹ ਚੁੱਪ ਨਾ ਹੋਇਆ ਤਾਂ ਉਸ ਨੇ ਬੱਚੇ ਦਾ ਗਲਾ ਮਰੋੜ ਦਿੱਤਾ, ਜਦੋਂ ਬੱਚੇ ਦੇ ਮੂੰਹ ਵਿੱਚੋਂ ਖੂਨ ਨਿਕਲਣ ਲੱਗਾ ਤਾਂ ਮੇਓ ਨੇ ਖੂਨ ਨੂੰ ਛੁਪਾਉਣ ਲਈ ਉਸ ਦੇ ਗਲੇ ਵਿੱਚ ਰੂੰ ਪਾ ਦਿੱਤਾ। ਇਕ-ਦੋ ਵਾਰ ਨਹੀਂ ਸਗੋਂ ਪੰਜ ਵਾਰ ਉਸ ਨੇ ਬੱਚੇ ਦੇ ਗਲੇ ਵਿਚ ਰੂੰ ਪਾਈ ਤਾਂ ਕਿ ਖੂਨ ਵਗਣਾ ਬੰਦ ਹੋ ਜਾਵੇ।
ਕੋਰਟ ਵੀ ਮਾਮਲੇ ਬਾਰੇ ਜਾਣ ਕਿ ਰਹਿ ਗਿਆ ਦੰਗ
ਜਦੋਂ ਡਾਕਟਰਾਂ ਨੇ ਜੱਜ ਨੂੰ ਦੱਸਿਆ ਕਿ ਬੱਚੇ ਦੇ ਗਲੇ ਵਿੱਚ ਪੰਜ ਰੂੰ ਦੇ ਗੋਲੇ ਪਾਏ ਗਏ ਹਨ ਤਾਂ ਉਹ ਦੰਗ ਰਹਿ ਗਿਆ। ਇਸ ਮਾਮਲੇ ਵਿੱਚ ਜਾਂਚ ਏਜੰਸੀਆਂ ਨੂੰ ਸਹਿਯੋਗ ਕਰ ਰਹੇ ਬਾਲ ਰੋਗਾਂ ਦੇ ਮਾਹਿਰਾਂ ਨੇ ਦੱਸਿਆ ਕਿ ਸਬੂਤਾਂ ਮੁਤਾਬਕ ਬੱਚੇ ਨੂੰ ਜਨਮ ਤੋਂ ਦੋ ਘੰਟੇ ਬਾਅਦ ਮਾਰ ਦਿੱਤਾ ਗਿਆ ਸੀ। ਉਸ ਦੇ ਸਿਰ ਦੇ ਪਿਛਲੇ ਪਾਸੇ ਡੂੰਘੀ ਸੱਟ ਲੱਗੀ ਸੀ। ਮੇਓ ਨੇ ਸ਼ਾਇਦ ਉਸ ਨੂੰ ਆਪਣੇ ਪੈਰਾਂ ਨਾਲ ਦਬਾਉਣ ਦੀ ਕੋਸ਼ਿਸ਼ ਕੀਤੀ ਹੋਵੇ। ਪੁਲਿਸ ਨੇ ਲੜਕੀ ਦੇ ਮਾਤਾ-ਪਿਤਾ ਨੂੰ ਵੀ ਗ੍ਰਿਫਤਾਰ ਕਰ ਲਿਆ ਅਤੇ ਉਨ੍ਹਾਂ ਤੋਂ ਵੀ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।
