ਸੁਖਦੇਵ ਸਿੰਘ ਬਿੱਲਾ ਪੁਵਾਰਾ ਬਣੇ ਡਾ,ਅੰਬੇਡਕਰ ਸੰਘਰਸ਼ ਮੋਰਚਾ ਪੰਜਾਬ ਦੇ ਹਲਕਾ ਕਰਤਾਰਪੁਰ ਦੇ ਪ੍ਰਧਾਨ : ਡਾ ਸਾਬੀ ਉਪ ਪ੍ਰਧਾਨ

ਲਾਂਬੜਾ ( ਸਰਵਣ ਹੰਸ ) ਡਾਕਟਰ ਅੰਬੇਡਕਰ ਸੰਘਰਸ਼ ਮੋਰਚਾ ਪੰਜਾਬ ਦੀ ਮੀਟਿੰਗ ਲਾਂਬੜਾ ਵਿੱਚ ਉਪ ਪ੍ਰਧਾਨ ਪੰਜਾਬ ਡਾਕਟਰ ਸਾਬੀ ਦੇ ਦਫ਼ਤਰ ਵਿਖੇ ਹੋਈ, ਮੀਟਿੰਗ ਵਿੱਚ ਵਿਸ਼ੇਸ਼ ਤੌਰ ਤੇ ਪਾਰਟੀ ਦੇ ਪੰਜਾਬ ਪ੍ਰਧਾਨ ਤਰਲੋਕ ਵੇਡਲ ਵੀ ਪਹੁੰਚੇ, ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਤਰਲੋਕ ਵੇਡਲ ਨੇ ਕਿਹਾ ਕਿ ਸਮਾਜ ਜਾਗਰੂਕ ਹੋ ਚੁੱਕਾ ਹੈ ਲੋਕ ਜਥੇਬੰਦੀ ਦੇ ਕੰਮਾਂ ਤੋਂ ਪ੍ਰਭਾਵਿਤ ਹੋ ਕੇ ਆਪਣੇ ਆਪ ਪਾਰਟੀ ਵਿੱਚ ਸ਼ਾਮਿਲ ਹੋ ਰਹੇ ਹਨ, ਉਹਨਾਂ ਨੇ ਕਿਹਾ ਕਿ ਪਿਛਲੇ ਦਿਨੀਂ ਅੰਮ੍ਰਿਤਸਰ ਵਿੱਚ ਜ਼ੋ ਘਟਨਾ ਵਾਪਰੀ ਹੈ ਉਹ ਅਤਿ ਨਿੰਦਣਯੋਗ ਘਟਨਾ ਹੈ, ਉਹਨਾਂ ਕਿਹਾ ਕਿ ਡਾਕਟਰ ਪੰਪੋਸ ਦੇ ਦੋਸ਼ੀਆਂ ਨੂੰ ਪੁਲਿਸ ਪ੍ਰਸ਼ਾਸਨ ਜਲਦੀ ਗ੍ਰਿਫ਼ਤਾਰ ਕਰਨ ਤਾਂ ਕਿ ਪੰਜਾਬ ਦਾ ਮਾਹੌਲ ਖਰਾਬ ਨਾ ਹੋਵੇ,ਅਗਰ ਪੁਲਿਸ ਪ੍ਰਸ਼ਾਸਨ ਨੇ ਦੋਸ਼ੀਆਂ ਨੂੰ ਜਲਦ ਗ੍ਰਿਫ਼ਤਾਰ ਨਾਂ ਕੀਤਾ ਤਾਂ ਵੱਡੇ ਪੱਧਰ ਤੇ ਸੰਘਰਸ਼ ਕਰਾਂਗੇ,ਇਸ ਮੌਕੇ ਪਾਰਟੀ ਦੇ ਵਿਸਥਾਰ ਲਈ ਪਾਰਟੀ ਵਿੱਚ ਸੁਖਦੇਵ ਸਿੰਘ ਬਿੱਲਾ ਪੁਵਾਰਾ ਨੂੰ ਹਲਕਾ ਕਰਤਾਰਪੁਰ ਪ੍ਰਧਾਨ ਲਗਾਇਆ ਗਿਆ,ਇਸ ਮੌਕੇ ਜੱਗੂ ਪ੍ਰਤਾਪੁਰਾ, ਬਿਸ਼ਨ ਸਿੰਘ ਪੁਵਾਰਾ, ਗੁਰਦਿਆਲ ਸਿੰਘ,ਦੀਪਾ ਪਿੰਡ ਵੇਡਲ, ਸੰਦੀਪ ਮਹਿਮੂਵਾਲ ਮਾਲਾ, ਸੋਨੂੰ ਪਰਤਾਪੁਰਾ, ਰਾਜਿੰਦਰ ਮਸੀਹ ਹਾਜਰ ਸਨ,!