ਸ਼੍ਰੋਮਣੀ ਅਕਾਲੀ ਦੱਲ ਦਾ ਪੱਲਾ ਛੱਡ ਬੀ.ਜੇ.ਪੀ. ‘ਚ ਸਾਮਿਲ ਹੋਏ ਉਘੇ ਸਮਾਜ ਸੇਵਕ ਭੁਪਿੰਦਰ ਸਿੰਘ ਧੀਮਾਨ

ਨਕੋਦਰ: ਨਕੋਦਰ ਦੇ ਉਘੇ ਸਮਾਜ ਸੇਵਕ ਅਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਸੀਨੀਅਰ ਆਗੂ ਭੁਪਿੰਦਰ ਸਿੰਘ ਧੀਮਾਨ ਨੇ ਅਕਾਲੀ ਦਲ ਦਾ ਪੱਲਾ ਛੱਡਕੇ ਭਾਰਤੀਯ ਜਨਤਾ ਪਾਰਟੀ ਦੇ ਮਹਾਂ ਮੰਤਰੀ ਰਜੇਸ਼ ਬਾਘਾ ਅਤੇ ਜਿਲ੍ਹਾ ਜਲੰਧਰ ਦਿਹਾਤੀ (ਦੱਖਣੀ) ਦੇ ਨਵ-ਨਿਯੁਕਤ ਪ੍ਰਧਾਨ ਪੰਕਜ ਢੀਂਗਰਾ ਦੀ ਛੱਤਰ ਛਾਇਆ ‘ਚ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਪੂਰੇ ਦੇਸ਼ ‘ਚ ਵੱਧਦੀ ਲੋਕਪ੍ਰਿਅਤਾ ਅਤੇ ਸਮੁੱਚੇ ਪੰਜਾਬ ‘ਚ ਅਪਣੇ ਨੇਕ ਇਰਾਦਿਆਂ ਨਾਲ ਅਪਣੇ ਕਦਮ ਅਗਾਂਹ ਵੱਧਾਉੰਦੀ ਭਾਰਤੀਯ ਜਨਤਾ ਪਾਰਟੀ ਦੀ ਚੰਗੀ ਸੋਚ ਨੂੰ ਮੱਦੇਨਜ਼ਰ ਰੱਖਦਿਆਂ ਪੰਜਾਬ ਭਰ ਚੋਂ ਕਈ ਉਘੇ ਲੀਡਰ ਹੋਰਾਂ ਪਾਰਟੀਆਂ ਦੀਆਂ ਨੀਤੀਆਂ ਤੋਂ ਤੰਗ ਪਰੇਸ਼ਾਨ ਹੋਕੇ ਆਏ ਦਿਨ ਬੀ.ਜੀ.ਪੀ.ਸਾਮਿਲ ਹੋ ਰਹੇ ਹਨ, ਇਸੇ ਕੜੀ ਦਾ ਹਿੱਸਾ ਬਣਦਿਆਂ ਨਕੋਦਰ ਦੇ ਉਘੇ ਸਮਾਜ ਸੇਵਕ ਅਤੇ ਪ੍ਰਸਿੱਧ ਉਦਯੋਗ ਪਤੀ ਭੁਪਿੰਦਰ ਸਿੰਘ ਧੀਮਾਨ ਨੇ ਵੀ ਸ਼੍ਰੋਮਣੀ ਅਕਾਲੀ ਦਲ ਪਾਰਟੀ ਨੂੰ ਅਲਵਿਦਾ ਕਹਿੰਦਿਆਂ ਭਾਰਤੀਯ ਜਨਤਾ ਪਾਰਟੀ ‘ਚ ਸਾਮਿਲ ਹੋਕੇ ਪਾਰਟੀ ਦਾ ਮਾਨ ਵਧਾਉਣ ‘ਚ ਅਪਣਾ ਵੱਡਮੁਲਾ ਯੋਗਦਾਨ ਪਾਉਂਦੇ ਹੋਏ ਕਮਲ ਦੇ ਫੁੱਲ ਤੇ ਮੋਹਰ ਲਗਾ ਦਿੱਤੀ। ਇਸ ਵਿਸ਼ੇਸ਼ ਮੌਕੇ ਤੇ ਭਾਰਤੀਯ ਜਨਤਾ ਪਾਰਟੀ ਦੇ ਮਹਾਂ ਮੰਤਰੀ ਪੰਜਾਬ ਰਾਜੇਸ਼ ਬਾਘਾ, ਜਿਲ੍ਹਾ ਜਲੰਧਰ ਦਿਹਾਤੀ (ਦੱਖਣੀ) ਬੀ.ਜੇ.ਪੀ ਦੇ ਨਵ-ਨਿਯੁਕਤ ਪ੍ਰਧਾਨ ਪੰਕਜ ਢੀਂਗਰਾ, ਯੁਵਾ ਮੋਰਚਾ ਬੀ.ਜੇ.ਪੀ.ਜਿਲ੍ਹਾ ਜਲੰਧਰ ਦਿਹਾਤੀ ਦੇ ਪ੍ਰਧਾਨ ਅਰਵਿੰਦ ਚਾਵਲਾ (ਸੈਫ਼ੀ), ਸਤੀਸ਼ ਬਜਾਜ਼ ਸੀਨੀਅਰ ਬੀ.ਜੇ.ਪੀ ਆਗੂ, ਅਸ਼ਵਨੀ ਲੂਥਰਾ ਬੀ.ਜੇ.ਪੀ.ਆਗੂ, ਅੇੈਡਵੋਕੇਟ ਰਾਕੇਸ਼ ਤਿਵਾੜੀ ਬੀ.ਜੇ.ਪੀ ਆਗੂ, ਸਾਬਕਾ ਕੌਂਸਲਰ ਨਰੇਸ਼ ਖਾਨ, ਦਿਨੇਸ਼ ਬਿਲਗਾ ਆਦੀ ਪਾਰਟੀ ਵਰਕਰ ਮੌਜੂਦ ਸਨ।