ਲੋੜਵੰਦ ਨੂੰ ਟ੍ਰਾਈ ਸਾਈਕਲ ਦਾਨ ਦਿੱਤੀ।

ਨਕੋਦਰ : ਕਹਿੰਦੇ ਨੇ ਗਊ ਗਰੀਬ ਨੂੰ ਦਾਨ ਕਰਨਾ ਬਹੁਤ ਪੁੰਨ ਦਾ ਕੰਮ ਹੁੰਦਾ ਹੈ, ਪਰ ਕਿਸੇ ਲੋੜਵੰਦ ਨੂੰ ਉਸਦੀ ਲੋੜੀਂਦੀ ਚੀਜ਼ ਦਾਨ ਕਰਨਾ ਉਸਤੋ ਵੀ ਜ਼ਿਆਦਾ ਪੁੰਨ ਦਾ ਕੰਮ ਮੰਨਿਆ ਗਿਆ ਹੈ। ਨਕੋਦਰ ਸ਼ਹਿਰ ਦੇ ਬਲਦੇਵ ਰਾਜ ਉਰਫ ਦੇਬੀ ਬਰਫ ਵਾਲੇ ਦੇ ਦੇਹਾਂਤ ਉਪਰੰਤ ਉਹਨਾਂ ਦੇ ਪੁੱਤਰ ਰਾਜ ਕੁਮਾਰ ਰਾਜਾ ਨੇ ਉਹਨਾਂ ਦੀ ਟ੍ਰਾਈ ਸਾਈਕਲ ਤਲਵੰਡੀ ਭਰੋਂ ਵਾਸੀ ਸਾਬੀ ਪੁੱਤਰ ਗੁਰਨਾਮ ਸਿੰਘ ਨੂੰ ਦਾਨ ਦਿੱਤੀ। ਸਾਬੀ ਆਪਣੀ ਵਿਕਲਾਂਗਤਾ ਕਾਰਨ ਕੀਤੇ ਆਉਣ ਜਾਣ ਤੋਂ ਬਹੁਤ ਤੰਗ ਹੁੰਦਾ ਸੀ, ਹੁਣ ਇਹ ਟ੍ਰਾਈ ਸਾਈਕਲ ਉਸਦਾ ਆਉਣ ਜਾਣ ਵਿੱਚ ਸਾਥ ਦੇਵੇਗੀ। ਰਾਜ ਕੁਮਾਰ ਨੇ ਦੱਸਿਆ ਕਿ ਇਹ ਟ੍ਰਾਈ ਸਾਈਕਲ ਉਹਨਾਂ ਦੇ ਪਿਤਾ ਸਵ: ਬਲਦੇਵ ਰਾਜ ਨੂੰ ਇੱਕ ਕਲੱਬ ਵਲੋਂ ਓਦੋਂ ਦਾਨ ਦਿੱਤੀ ਗਈ ਸੀ ਜਦੋਂ ਉਹ ਬਿਮਾਰੀ ਕਾਰਨ ਤੁਰਨ ਫਿਰਨ ਯੋਗ ਨਹੀਂ ਸਨ। ਇਸ ਟ੍ਰਾਈ ਸਾਈਕਲ ਦਾ ਉਹਨਾਂ ਅਜੇ ਇੰਨਾ ਇੰਨਾ ਇਸਤੇਮਾਲ ਵੀ ਨਹੀਂ ਕੀਤਾ ਸੀ ਅਤੇ ਓਹਨਾ ਦਾ ਦੇਹਾਂਤ ਹੋ ਗਿਆ। ਮੈਨੂੰ ਲੱਗਾ ਕਿ ਇਹ ਟ੍ਰਾਈ ਸਾਈਕਲ ਮੇਰੇ ਕਿਸੇ ਕੰਮ ਦੀ ਨਹੀਂ ਹੈ ਇਸਨੂੰ ਵੇਚਣ ਦੀ ਵਜਾਏ ਮੈਂ ਇਸਨੂੰ ਕਿਸੇ ਅਜਿਹੇ ਵਿਆਕਤੀ ਨੂੰ ਦਾਨ ਕਰਾਂ ਜੋ ਅਸਲ ਵਿੱਚ ਇਸ ਲਈ ਲੋੜਵੰਦ ਹੈ ਸੋ ਸਾਬੀ ਦੀ ਹਾਲਤ ਨੂੰ ਦੇਖਦਿਆਂ ਅਸੀਂ ਇਸਨੂੰ ਇਹ ਟ੍ਰਾਈ ਸਾਈਕਲ ਦਾਨ ਦਿੱਤੀ ਹੈ। ਇਸ ਨਾਲ ਜਿੱਥੇ ਸਾਬੀ ਦੀ ਸਮਸਿਆ ਹੱਲ ਹੋਵੇਗੀ ਉਥੇ ਮੇਰੇ ਸਵਰਗਵਾਸੀ ਪਿਤਾ ਦੀ ਆਤਮਾ ਵੀ ਖੁਸ਼ ਹੋਵੇਗੀ।