ਬਛੂਆ ਟੋਲ ਪਲਾਜ਼ਾ ਤੇ ਟੋਲ ਪਲਾਜ਼ਾ ਮੁਲਾਜ਼ਮਾ ਨੂੰ ਬੱਸ ਡਰਾਇਵਰ ਵਲੋ ਤਲਵਾਰ ਦਿਖਾਉਣ ਤੇ ਹੰਗਾਮਾ।

ਥਾਣਾ ਕਾਠਗੜੵ ਅਧੀਨ ਪੈੰਦੇ ਟੋਲ ਪਲਾਜ਼ਾ ਬਛੂਆ ਵਿਖੇ ਇਕ ਨਿੱਜੀ ਬੱਸ ਦੇ ਚਾਲਕ ਵੱਲੋਂ ਟੋਲ ਪਲਾਜ਼ਾ ਦੇ ਕਰਮਚਾਰੀਆਂ ਨੂੰ ਤਲਵਾਰ ਦਿਖਾਉਣ ਤੇ ਹੰਗਾਮਾ ਹੋ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ ਮਾਮਲੇ ਦੀ ਸ਼ਿਕਾਇਤ ਟੋਲ ਪਲਾਜ਼ਾ ਕੰਪਨੀ ਮੁਲਾਜ਼ਮਾ ਵਲੋ ਥਾਣਾ ਕਾਠਗੜੵ ਦੀ ਪੁਲਿਸ ਨੂੰ ਕਰ ਦਿੱਤੀ ਗਈ ਹੈ। ਟੋਲ ਪਲਾਜ਼ਾ ਬਛੂਆ ਦੇ ਮੈਨੇਜਰ ਬਜਰੰਗ ਲਾਲ ਸੈਣੀ ਨੇ ਦੱਸਿਆ ਕਿ ਬੱਸ ਇਕ ਨਿੱਜੀ ਕੰਪਨੀ ਦੀ ਹੈ ਜੋ ਕਿ ਚੰਡੀਗੜ੍ਹ ਨੂੰ ਜਾ ਰਹੀ ਸੀ। ਬੱਸ ਚਾਲਕ ਪਹਿਲਾ ਤਾਂ ਤੇਜ਼ ਹਾਰਨ ਵਜਾਉਂਦੇ ਹੋਏ ਟੋਲ ਪਲਾਜ਼ਾ ‘ਤੇ ਪੁੱਜੀ ਜਦਕਿ ਆਈ.ਪੀ ਲਾਈਨ ‘ਤੇ ਪਰਚੀ ਕਟਵਾ ਰਹੀਆਂ ਦੋ ਗੱਡੀਆਂ ਖੜ੍ਹੀਆਂ ਸਨ। ਜਿਸ ਦੀ ਪਰਚੀ ਟੋਲ ਮੁਲਾਜ਼ਮ ਕੱਟ ਰਹੇ ਸਨ। ਜਦਕਿ ਬੱਸ ਚਾਲਕ ਨੇ ਕਾਹਲੀ ਵਿਚ ਬੱਸ ਨੂੰ ਬਾਹਰ ਕੱਢਿਆ ਤਾਂ ਟੋਲ ਕਰਮਚਾਰੀ ਅਜੀਤ ਸਿੰਘ ਵਾਲ ਵਾਲ ਬਚ ਗਏ। ਜਦੋਂ ਟੋਲ ਮੁਲਾਜ਼ਮਾਂ ਨੇ ਬੱਸ ਡਰਾਈਵਰ ਨੂੰ ਅਜਿਹਾ ਨਾ ਕਰਨ ਤੋਂ ਰੋਕਿਆ ਤਾਂ ਸ਼ਾਂਤ ਹੋਣ ਦੀ ਥਾਂ ਬੱਸ ਚਾਲਕ ਨੇ ਮੁਲਾਜ਼ਮਾਂ ਨੂੰ ਗਾਲਾਂ ਕੱਢਣੀਆਂ ਸ਼ੁਰੂ ਕਰ ਦਿੱਤੀਆਂ ਅਤੇ ਤੇਜ਼ਧਾਰ ਤਲਵਾਰ ਨਾਲ ਲੋਕਾਂ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦਿੱਤੀਆਂ। ਟੋਲ ਪਲਾਜ਼ਾ ਦੇ ਮੈਨੇਜਰ ਬਜਰੰਗ ਲਾਲ ਸੈਣੀ ਨੇ ਦੱਸਿਆ ਕਿ ਇਹ ਸਾਰੀ ਘਟਨਾ ਟੋਲ ਪਲਾਜ਼ਾ ‘ਤੇ ਲੱਗੇ ਸੀਸੀਟੀਵੀ ਕੈਮਰਿਆਂ ਵਿਚ ਮੌਜੂਦ ਹੈ। ਬਜਰੰਗ ਲਾਲ ਸੈਣੀ ਨੇ ਕਿਹਾ ਕਿ ਇਨ੍ਹਾਂ ਕੰਪਨੀਆਂ ਦੀਆਂ ਸਾਰੀਆਂ ਬੱਸਾਂ ਵੱਲੋਂ ਟੋਲ ਪਲਾਜ਼ਾ ‘ਤੇ ਲੱਗੇ ਟੋਲ ਗੇਟ ਨੂੰ ਤੋੜਨਾ ਰੋਜ਼ਾਨਾ ਦਾ ਕੰਮ ਬਣ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਬਾਰੇ ਪੁਲਿਸ ਥਾਣਾ ਕਾਠਗੜ੍ਹ ਵਿਖੇ ਸ਼ਿਕਾਇਤ ਕਰ ਦਿੱਤੀ ਗਈ ਹੈ।