ਐਤਵਾਰ ਦੀ ਸੁਵਿਧਾ ਬਣੀ ‘ਦੁਵਿਧਾ’, ਨਾ ਸਟਾਂਪ ਫਰੋਸ਼ ਨਾ ਅਧਿਕਾਰੀ

43 views
11 mins read

ਪਿੰਡ ਧੰਨੋਵਾਲੀ ਤੋਂ ਆਪਣਾ ਨਾਂਅ ਬਦਲਵਾਉਣ ਲਈ ਸੁਵਿਧਾ ਸੈਂਟਰ ਪਹੁੰਚੇ। ਅਨਿਲ ਕੁਮਾਰ ਨੂੰ ਐਤਵਾਰ ਨੂੰ ਬੇਰੰਗ ਪਰਤਣਾ ਪਿਆ। ਕਾਰਨ, ਛੁੱਟੀ ਵਾਲੇ ਦਿਨ ਸੁਵਿਧਾ ਸੈਂਟਰ ਤਾਂ ਖੁੱਲਿ੍ਹਆ ਹੋਇਆ ਸੀ ਪਰ ਅਸ਼ਟਾਮ ਖਰੀਦਣ ਲਈ ਜਦੋਂ ਉਹ ਡੀਸੀ ਦਫਤਰ ਦੇ ਬੂਥਾਂ ‘ਚ ਪਹੁੰਚੇ ਤਾਂ ਉਹ ਬੰਦ ਪਏ ਸਨ। ਆਖਿਰਕਾਰ ਉਨ੍ਹਾਂ ਨੂੰ ਵਾਪਸ ਪਰਤਣਾ ਪਿਆ। ਇਸੇ ਕਾਰਨ ਜਾਤੀ ਪ੍ਰਮਾਣ ਪੱਤਰ ਦੇ ਦਸਤਾਵੇਜ਼ ਬਣਵਾਉਣ ਲਈ ਪਹੁੰਚੇ ਦੀਪਕ ਕੁਮਾਰ ਨੂੰ ਐਤਵਾਰ ਦੇ ਦਿਨ ਅਧਿਕਾਰੀ ਨਾ ਹੋਣ ਦੀ ਗੱਲ ਕਹਿ ਕੇ ਸੋਮਵਾਰ ਨੂੰ ਆਉਣ ਦੀ ਸਲਾਹ ਦਿੱਤੀ ਗਈ। ਹਾਲਾਂਕਿ, ਉਨ੍ਹਾਂ ਦੇ ਦਸਤਾਵੇਜ਼ ਤਾਂ ਲੈ ਲਏ ਗਏ ਸਨ ਪਰ ਅਧਿਕਾਰੀ ਨਾ ਹੋਣ ਕਾਰਨ ਕੰਮ ਸੋਮਵਾਰ ਤੋਂ ਬਾਅਦ ਹੋਣ ਬਾਰੇ ਕਿਹਾ ਗਿਆ। ਇਸ ਵਿਚ ਐਤਵਾਰ ਦਾ ਸੁਵਿਧਾ ਸੈਂਟਰ ਦੁਵਿਧਾ ਦਾ ਕਾਰਨ ਬਣ ਗਿਆ ਹੈ। ਦਰਅਸਲ, ਪੰਜਾਬ ਸਰਕਾਰ ਵੱਲੋਂ ਐਤਵਾਰ ਨੂੰ ਵੀ ਸੁਵਿਧਾ ਸੈਂਟਰ ਖੁੱਲ੍ਹੇ ਰੱਖਣ ਦੇ ਹੁਕਮ ਦਿੱਤੇ ਗਏ, ਜਿਸ ਤਹਿਤ ਸਾਰੇ ਸੁਵਿਧਾ ਸੈਂਟਰ ਸਵੇਰੇ 8 ਤੋਂ ਲੈ ਕੇ ਸ਼ਾਮ 4 ਵਜੇ ਤਕ 50 ਫ਼ੀਸਦੀ ਕਾਊਂਟਰ ਖੁੱਲ੍ਹੇ ਰੱਖਣ ਦੇ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ। ਇਸ ਦੇ ਨਾਲ ਹੀ ਇੱਥੇ ਦਿੱਤੀ ਜਾ ਰਹੀ ਕੁੱਲ 323 ਸੇਵਾਵਾਂ ਦਾ ਲਾਭ ਲੈਣ ਦਾ ਸੱਦਾ ਵੀ ਜਨਤਾ ਨੂੰ ਦਿੱਤਾ ਗਿਆ ਹੈ। ਉਥੇ, ਸਰਕਾਰ ਦੇ ਹੁਕਮ ਜਾਰੀ ਕਰਨ ਤੋਂ ਬਾਅਦ ਲਗਾਤਾਰ ਦੂਜੇ ਐਤਵਾਰ ਨੂੰ ਵੀ ਸੁਵਿਧਾ ਸੈਂਟਰਾਂ ‘ਚ ਲੋਕਾਂ ਦੀ ਆਮਦ ਬਹੁਤ ਘੱਟ ਰਹੀ। ਇਸ ਦਾ ਮੁੱਖ ਕਾਰਨ ਤਮਾਤ ਤਰ੍ਹਾਂ ਦੀਆਂ ਸੇਵਾਵਾਂ ਨਾ ਮਿਲਣਾ ਰਿਹਾ। ਇਸ ‘ਚ ਸਭ ਤੋਂ ਵੱਡੀ ਰੁਕਾਵਟ ਜ਼ਿਲ੍ਹਾ ਪ੍ਰਸ਼ਾਸਨਿਕ ਕੰਪਲੈਕਸ ‘ਚ ਅਸ਼ਟਾਮ ਫਰੋਸ਼ਾਂ ਤੋਂ ਲੈ ਕੇ ਵੱਖ-ਵੱਖ ਤਰ੍ਹਾਂ ਦੀ ਸੇਵਾ ਸਬੰਧੀ ਫਾਰਮ ਉਪਲਬਧ ਨਾ ਹੋਣਾ ਰਿਹਾ। ਸਰਕਾਰ ਨੇ ਐਤਵਾਰ ਦੇ ਦਿਨ ਸੇਵਾ ਕੇਂਦਰ ਤਾਂ ਖੁੱਲ੍ਹੇ ਰਹਿਣ ਦੇ ਨਿਰਦੇਸ਼ ਦੇ ਦਿੱਤੇ ਹਨ ਪਰ ਇਸ ਨਾਲ ਸਬੰਧਤ ਨਾ ਤਾਂ ਫਾਰਮ ਉਪਲਬਧ ਹੋ ਰਹੇ ਹਨ ਤੇ ਨਾ ਹੀ ਸਟਾਂਪ ਫਰੋਸ਼ ਹੀ ਆ ਰਹੇ ਹਨ।
ਇਸ ਲਈ ਜਾਰੀ ਕੀਤੇ ਸਨ ਨਿਰਦੇਸ਼
ਪੰਜਾਬ ਸਰਕਾਰ ਵੱਲੋਂ ਇਨ੍ਹੀਂ ਦਿਨੀਂ ਸਕੂਲਾਂ ‘ਚ ਦਾਖਲੇ ਤੇ ਕਿਸਾਨਾਂ ਵੱਲੋਂ ਮੰਡੀਆਂ ‘ਚ ਫ਼ਸਲ ਦੀ ਵਿਕਰੀ ਕਰਨ ਲਈ ਵਰਕਿੰਗ ਡੇ ‘ਚ ਜਾਣਾ ਹੁੰਦਾ ਹੈ। ਅਜਿਹੇ ‘ਚ ਸਰਕਾਰੀ ਕੰਮ ਕਰਵਾਉਣ ਲਈ ਪੰਜਾਬ ਸਰਕਾਰ ਨੇ ਐਤਵਾਰ ਨੂੰ ਵੀ ਸੁਵਿਧਾ ਸੈਂਟਰ ਰੱਖਣ ਦੇ ਨਿਰਦੇਸ਼ ਦਿੱਤੇ ਹਨ। ਇਸ ਤਹਿਤ ਲੋਕ ਛੁੱਟੀ ਵਾਲੇ ਦਿਨ ਵੀ ਸਰਕਾਰੀ ਕੰਮ ਕਰਵਾ ਸਕਦੇ ਹਨ ਪਰ ਸਹੂਲਤਾਂ ਦੀ ਥੋੜ ‘ਚ ਸੁਵਿਧਾ ਸੈਂਟਰ ਖੁੱਲ੍ਹੇ ਰੱਖਣ ਦਾ ਲਾਭ ਲੋਕਾਂ ਨੂੰ ਖਾਸਾ ਨਹੀਂ ਮਿਲ ਰਿਹਾ ਹੈ।

Harsh Gogi

This is Authorized Journalist of The Feedfront News cum Editor in Chief of Feedfront's Punjabi Edition and he has all rights to cover, submit and shoot events, programs, conferences and news related materials.
ਇਹ ਫੀਡਫਰੰਟ ਨਿਊਜ਼ ਦੇ ਅਧਿਕਾਰਤ ਪੱਤਰਕਾਰ ਅਤੇ ਫੀਡਫ਼ਰੰਟ ਪੰਜਾਬੀ ਐਡੀਸ਼ਨ ਦੇ ਮੁੱਖ ਸੰਪਾਦਕ ਹਨ। ਇਹਨਾਂ ਕੋਲ ਸਮਾਗਮਾਂ, ਪ੍ਰੋਗਰਾਮਾਂ, ਕਾਨਫਰੰਸਾਂ ਅਤੇ ਖ਼ਬਰਾਂ ਨਾਲ ਸਬੰਧਤ ਸਮੱਗਰੀ ਨੂੰ ਕਵਰ ਕਰਨ, ਜਮ੍ਹਾਂ ਕਰਨ ਅਤੇ ਸ਼ੂਟ ਕਰਨ ਦੇ ਸਾਰੇ ਅਧਿਕਾਰ ਹਨ।

Leave a Reply

Your email address will not be published.

Previous Story

ਨਕੋਦਰ: ਕੈਂਪ ਦੌਰਾਨ ਦਰਜ਼ਨਾਂ ਮਰੀਜ਼ਾਂ ਦੀ ਕੀਤੀ ਗਈ ਸਿਹਤ ਜਾਂਚ

Next Story

REVIEW: खनखनाते, खरे सिक्कों से भरपूर हैं ‘गुल्लक’ सीजन 3 के सारे एपिसोड

Latest from Blog