ਠੰਢ ਨੇ ਛੇੜੀ ਵਿਕਾਸ ਨੂੰ ‘ਕੰਬਣੀ’ ਸੜਕਾਂ ਬਣਨ ਲਈ ਕਰਨਾ ਪੈ ਸਕਦੈ ਲੰਮਾ ਇੰਤਜ਼ਾਰ

42 views
17 mins read

ਪਾਰਾ ਇਕਦਮ ਡਿੱਗਣ ਨਾਲ ਲੁਕ ਤੇ ਬਜਰੀ ਨਾਲ ਸੜਕ ਬਣਾਉਣ ਦਾ ਕੰਮ ਠੱਪ ਹੋਣਾ ਤੈਅ ਹੈ। ਸ਼ਨਿੱਚਰਵਾਰ ਨੂੰ ਵਧ ਤੋਂ ਵਧ ਪਾਰਾ 16 ਡਿਗਰੀ ਤਕ ਡਿੱਗ ਚੁੱਕਾ ਹੈ। ਅਜਿਹੇ ‘ਚ ਹਾਟ ਮਿਕਸਿੰਗ ਪਲਾਂਟ ਬੰਦ ਹੋਣ ਦੇ ਹਾਲਾਤ ਬਣ ਗਏ ਹਨ। ਹਾਲਾਂਕਿ, ਨਗਰ ਨਿਗਮ ਨੂੰ ਉਮੀਦ ਹੈ ਕਿ ਮੰਗਲਵਾਰ ਤੋਂ ਮੌਸਮ ‘ਚ ਸਾਫ ਹੋ ਜਾਵੇਗਾ ਤੇ ਸੜਕ ਬਣਾਉਣ ਲਈ ਇਕ ਹਫ਼ਤੇ ਦਾ ਸਮਾਂ ਮਿਲ ਜਾਵੇਗਾ। ਇਸ ਇਕ ਹਫ਼ਤੇ ‘ਚ ਨਗਰ ਨਿਗਮ ਲਈ 100 ਸੜਕਾਂ ਨੂੰ ਬਣਾਉਣਾ ਸੰਭਵ ਨਹੀਂ ਹੈ। ਉਥੇ ਸਰਫੇਸ ਵਾਟਰ ਪ੍ਰਰਾਜੈਕਟ ਲਈ ਜਿਨ੍ਹਾਂ ਸੜਕਾਂ ਨੂੰ ਪੁੱਟਿਆ ਗਿਆ ਹੈ ਉਨ੍ਹਾਂ ਨੂੰ ਬਣਾਉਣ ਤਾਂ ਹੁਣ ਸਿਆਲਾਂ ਤੋਂ ਬਾਅਦ ਹੀ ਸੰਭਵ ਹੈ। ਨਗਰ ਨਿਗਮ ਨੇ ਪੁੱਟੀਆਂ ਜਿਹੜੀਆਂ ਸੜਕਾਂ ਨੂੰ ਬਣਾਇਆ ਹੈ ਉਨ੍ਹਾਂ ਦਾ ਮਿਆਰ ਤੇ ਬੇਸ ਵਰਕ ਨੂੰ ਲੈ ਕੇ ਮੁਸੀਬਤ ਖੜ੍ਹੀ ਹੋ ਗਈ ਹੈ। ਇਕ ਦਿਨ ਪਹਿਲਾਂ ਹੀ ਬੀਐੱਸਐੱਫ ਚੌਕ ਤੋਂ ਲਾਡੋਵਾਲੀ ਰੋਡ ਬਣਾਉਣ ਦੇ 10 ਦਿਨ ‘ਚ ਹੀ ਸੜਕ ਧਸਣ ਦਾ ਮਾਮਲਾ ਸਾਹਮਣੇ ਆ ਗਿਆ ਹੈ। ਇਸ ਸੜਕ ‘ਤੇ ਕਰੀਬ ਇਕ ਕਰੋੜ ਰੁਪਏ ਖ਼ਰਚੇ ਗਏ ਹਨ। ਅਜਿਹੇ ‘ਚ ਸੜਕਾਂ ਦੇ ਮਿਆਰ ਨੂੰ ਲੈ ਕੇ ਚੁਫੇਰਿਓਂ ਆਲੋਚਨਾ ਝੱਲ ਰਹੇ ਨਗਰ ਨਿਗਮ ਲਈ ਨਵੀਆਂ ਸੜਕਾਂ ਬਣਾਉਣ ‘ਤੇ ਪੈਸਾ ਵਹਾਉਣਾ ਮੁਸ਼ਕਲ ਹੋ ਜਾਵੇਗਾ। ਨਿਗਮ ਦੇ ਲੁਕ ਤੇ ਬਜਰੀ ਦੇ ਕਰੀਬ 50 ਕੰਮ ਪਹਿਲਾਂ ਪੈਂਡਿੰਗ ਚੱਲ ਰਹੇ ਹਨ ਤੇ ਕਰੀਬ 50 ਕੰਮ ਨਿਗਮ ਦੀ ਐੱਫਐਂਡਸੀਸੀ ਬੈਠਕਾਂ ‘ਚ ਇਕ ਮਹੀਨੇ ਦੌਰਾਨ ਪਾਸ ਕੀਤੇ ਗਏ ਹਨ। ਠੇਕੇਦਾਰਾਂ ਨੂੰ ਵਰਕ ਆਰਡਰ ਜਾਰੀ ਕਰਕੇ ਵਿਧਾਇਕ ਉਦਘਾਟਨ ਤਾਂ ਕਰ ਦੇਣਗੇ ਪਰ ਬਣਾਉਣ ਹੁਣ ਵਿਧਾਨ ਸਭਾ ਚੋਣਾਂ ਤੋਂ ਬਾਅਦ ਹੀ ਸੰਭਵ ਹੈ। ਨਗਰ ਨਿਗਮ ਦੇ ਐੱਸਈ ਰਜਨੀਸ਼ ਡੋਗਰਾ ਦਾ ਕਹਿਣਾ ਹੈ ਕਿ ਅਗਲੇ ਹਫ਼ਤੇ ਮੌਸਮ ਸਾਫ ਰਿਹਾ ਤਾਂ ਕੁਝ ਸੜਕਾਂ ਬਣਾਉਣਾ ਚੋਣਾਂ ਤੋਂ ਪਹਿਲਾਂ ਆਖਰੀ ਮੌਕਾ ਰਹੇਗਾ। ਇਸ ਤੋਂ ਬਾਅਦ ਹਾਟ ਮਿਕਸਿੰਗ ਪਲਾਂਟ ਬੰਦ ਹੋਣਾ ਤੈਅ ਹੀ ਹੈ।
ਕਾਂਗਰਸੀ ਵਿਧਾਇਕਾਂ ਦੀ ਵਧੇਗੀ ਮੁਸ਼ਕਲ
ਸੜਕ ਬਣੇ ਜਾਂ ਨਾ ਬਣੇ ਕਾਂਗਰਸੀ ਵਿਧਾਇਕਾਂ ਦੀ ਮੁਸ਼ਕਲ ਵਧਣੀ ਤੈਅ ਹੈ। ਦੋਵੇਂ ਹੀ ਤਰੀਕਿਆਂ ‘ਚ ਕਾਂਗਰਸੀ ਉਮੀਦਵਾਰਾਂ ਨੂੰ ਚੋਣਾਂ ‘ਚ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਜੇ ਸੜਕਾਂ ਬਣਾਈਆਂ ਜਾਂਦੀਆਂ ਹਨ ਤਾਂ ਮਿਆਰ ਨੂੰ ਲੈ ਕੇ ਸਵਾਲ ਉੱਠਣਗੇ ਜੇ ਸੜਕਾਂ ਨਹੀਂ ਬਣੀਆਂ ਤਾਂ ਜਨਤਾ ਹੀ ਨਾਰਾਜ਼ਗੀ ਝੱਲਣੀ ਪਵੇਗੀ। ਬਣਾਉਣ ਤੋਂ ਪਹਿਲਾਂ ਫੰਡ ਦਾ ਵੀ ਨੁਕਸਾਨ ਹੋਵੇਗਾ। ਨਗਰ ਨਿਗਮ ‘ਤੇ ਵਿਧਾਇਕਾਂ ਦਾ ਦਬਾਅ ਹੈ ਕਿ ਜ਼ਿਆਦਾ ਤੋਂ ਜ਼ਿਆਦਾ ਕੰਮ ਕੀਤੇ ਜਾਣਗੇ। ਨਿਗਮ ਇਕ ਹਫ਼ਤੇ ਬਾਅਦ ਸਿਰਫ ਕੰਕਰੀਟ ਦੀਆਂ ਸੜਕਾਂ ‘ਤੇ ਵੀ ਫੋਕਸ ਕਰੇਗਾ ਤਾਂ ਕਿ ਕਾਲੋਨੀਆਂ ‘ਚ ਲੋਕਾਂ ਨੂੰ ਰਾਹਤ ਦੇ ਕੇ ਕਾਂਗਰਸ ਪ੍ਰਤੀ ਨਾਰਾਜ਼ਗੀ ਘੱਟ ਕੀਤੀ ਜਾ ਸਕੇ।
ਕਪੂਰਥਲਾ ਰੋਡ ਸਮੇਤ ਕਈ ਸੜਕਾਂ ‘ਤੇ ਲੋਕ ਚਾਰ ਮਹੀਨੇ ਹੋਣ ਝੱਲਣਗੇ ਪਰੇਸ਼ਾਨੀ
ਨਗਰ ਨਿਗਮ ਦੇ ਠੇਕੇਦਾਰਾਂ ਕੋਲ ਅਜਿਹੀ ਮਸ਼ੀਨਰੀ ਨਹੀਂ ਹੈ ਜੋ ਪੁੱਟੀ ਗਈ ਸੜਕ ਦੀ ਕੰਪੈਕਸ਼ਨ ਕਰ ਕੇ ਬੇਸ ਨੂੰ ਮਜ਼ਬੂਤ ਕਰ ਸਕਣ। ਐੱਲਐਂਡਟੀ ਕੰਪਨੀ ਕੋਲ ਛੋਟੇ ਰੋਡ ਰੋਲਰ ਹਨ ਤੇ ਉਹ ਆਪਣਾ ਕੰਮ ਕਰ ਰਹੀ ਹੈ ਪਰ ਜਦੋਂ ਨਿਗਮ ਠੇਕੇਦਾਰਾਂ ਦੀ ਸੜਕ ਬਣਾਉਣ ਦੀ ਵਾਰੀ ਆਉਂਦੀ ਹੈ ਤਾਂ ਪੁੱਟੇ ਗਏ ਟ੍ਰੈਂਚ ‘ਤੇ ਨਵੇਂ ਬੇਸਵਰਕ ਨੂੰ ਮਜ਼ਬੂਤ ਕਰਨ ਦੀ ਮਸ਼ੀਨਰੀ ਨਾ ਹੋਣ ਨਾਲ ਸੜਕਾਂ ਦੇ ਧਸਣ ਦੇ ਮਾਮਲੇ ਵਧ ਰਹੇ ਹਨ। ਇਸੇ ਵਜ੍ਹਾ ਨਾਲ ਬੀਐੱਸਐੱਫ ਚੌਕ ਤੋਂ ਲਾਡੋਵਾਲੀ ਰੋਡ ਧਸ ਗਈ ਜਦਕਿ ਇਸ ਤੋਂ ਪਹਿਲਾਂ ਬਰਸਾਤੀ ਸੀਵਰੇਜ ਕਾਰਨ ਪੁੱਟੀ ਗਈ ਪ੍ਰਰੀਤ ਨਗਰ-ਸੋਢਲ ਸੋਢਲ ਰੋਡ ਵੀ ਕਈ ਥਾਵਾਂ ਤੋਂ ਧਸ ਚੁੱਕੀ ਹੈ। ਨਗਰ ਨਿਗਮ ਨੇ ਸ਼ਿਵ ਨਗਰ, ਗਾਜ਼ੀ-ਗੁੱਲਾ ਸਮੇਤ ਕਈ ਜਗ੍ਹਾ ਸੜਕਾਂ ਬਣਾ ਦਿੱਤੀਆਂ ਹਨ ਪਰ ਇਨ੍ਹਾਂ ‘ਤੇ ਵੀ ਧਸਣ ਦਾ ਖ਼ਤਰਾ ਮੰਡਰਾਉਂਦਾ ਰਹੇਗਾ। ਸਭ ਤੋਂ ਜ਼ਿਆਦਾ ਮੁਸੀਬਤ ਨਕੋਦਰ ਰੋਡ, ਕਪੂਰਥਲਾ ਰੋਡ ਤੇ ਰਾਮਾ ਮੰਡੀ ਤੋਂ ਿਢੱਲਵਾਂ ਰੋਡ ‘ਤੇ ਰਹੇਗੀ। ਇਨ੍ਹਾਂ ਸੜਕਾਂ ਨੂੰ ਸਰਫੇਸ ਵਾਟਰ ਪ੍ਰਰਾਜੈਕਟ ਲਈ ਹੀ ਪੁੱਟਿਆ ਗਿਆ ਹੈ ਪਰ ਬਣਾਉਣਾ ਹੁਣ ਚੋਣਾਂ ਤੋਂ ਬਾਅਦ ਹੀ ਸੰਭਵ ਹੈ। ਅਜਿਹੇ ‘ਚ ਸ਼ਹਿਰ ਦੀਆਂ ਇਨ੍ਹਾਂ ਤਿੰਨ ਮੁੱਖ ਸੜਕਾਂ ‘ਤੇ ਕਾਂਗਰਸ ਦੀ ਚੋਣਾਂ ਦੀ ਗੱਡੀ ਦੌੜਨੀ ਸੌਖੀ ਨਹੀਂ ਰਹੇਗੀ।

This is Authorized Journalist of The Feedfront News cum Editor in Chief of Feedfront's Punjabi Edition and he has all rights to cover, submit and shoot events, programs, conferences and news related materials.
ਇਹ ਫੀਡਫਰੰਟ ਨਿਊਜ਼ ਦੇ ਅਧਿਕਾਰਤ ਪੱਤਰਕਾਰ ਅਤੇ ਫੀਡਫ਼ਰੰਟ ਪੰਜਾਬੀ ਐਡੀਸ਼ਨ ਦੇ ਮੁੱਖ ਸੰਪਾਦਕ ਹਨ। ਇਹਨਾਂ ਕੋਲ ਸਮਾਗਮਾਂ, ਪ੍ਰੋਗਰਾਮਾਂ, ਕਾਨਫਰੰਸਾਂ ਅਤੇ ਖ਼ਬਰਾਂ ਨਾਲ ਸਬੰਧਤ ਸਮੱਗਰੀ ਨੂੰ ਕਵਰ ਕਰਨ, ਜਮ੍ਹਾਂ ਕਰਨ ਅਤੇ ਸ਼ੂਟ ਕਰਨ ਦੇ ਸਾਰੇ ਅਧਿਕਾਰ ਹਨ।

Leave a Reply

Your email address will not be published.

Previous Story

ਨਵੇਂ ਵਿਵਾਦ ‘ਚ ਫਸੇ ਨਵਜੋਤ ਸਿੰਘ ਸਿੱਧੂ, ਪ੍ਰੈੱਸ ਕਾਨਫਰੰਸ ਦੌਰਾਨ ਬੇਕਾਬੂ ਹੋਈ ਜ਼ੁਬਾਨ

Next Story

ਔਰਤਾਂ ਨੂੰ ਅੱਜ ਤੋਂ ਕੇਂਦਰ ਦਾ ਤੋਹਫ਼ਾ, ਸਰਕਾਰ ਮੁਫ਼ਤ ਦੇਵੇਗੀ 5000 ਰੁਪਏ ਦੀ ਇਹ ਸਹੂਲਤ

Latest from Blog

कौन हैं मसाबा गुप्ता के एक्स हस्बैंड? रिश्ता टूटने पर डिजाइनर ने कहा था ‘दुख नहीं हुआ’, नंदना सेन से भी टूट चुका है नाता

Masaba Gupta Ex-Husband: मसाबा गुप्ता की सत्यदीप मिश्रा (Satyadeep Mishra) से शादी इन दिनों चर्चा का…

Website Readers