ਦੋ ਘੰਟਿਆਂ ਤੋਂ ਜ਼ਿਆਦਾ ਇਲਾਸਟਿਕ ਵਾਲੇ ਮਾਸਕ ਪਾਉਣ ਨਾਲ ਕੰਨਾਂ ਪਿੱਛੇ ਆ ਰਹੀ ਸੋਜ਼ਿਸ਼ ਦੀ ਸਮੱਸਿਆ

ਕੋਰੋਨਾ ਇਨਫੈਕਸ਼ਨ ਕਾਰਨ ਮਾਸਕ ਸਾਡੇ ਜੀਵਨ ਦਾ ਅਹਿਮ ਹਿੱਸਾ ਬਣ ਚੁੱਕਾ ਹੈ ਪਰ ਇਲਾਸਟਿਕ ਵਾਲੇ ਮਾਸਕ ਦੀ ਲਗਾਤਾਰ ਵਰਤੋਂ ਕਰਨ ਨਾਲ ਕੰਨ ਦੇ ਪਿਛਲੇ ਹਿੱਸੇ ‘ਚ ਸੋਜ਼ਿਸ਼ ਦੀਆਂ ਸ਼ਿਕਾਇਤਾਂ ਆ ਰਹੀਆਂ ਹਨ। ਛੱਤੀਸਗੜ੍ਹ ਦੀ ਰਾਜਧਾਨੀ ਰਾਏਪੁਰ ਦੇ ਅੰਬੇਡਕਰ ਹਸਪਤਾਲ ਅਤੇ ਜ਼ਿਲ੍ਹਾ ਹਸਪਤਾਲ ‘ਚ ਇਕ ਹਫਤੇ ਵਿਚ ਇਸ ਸਮੱਸਿਆ ਤੋਂ ਪੀੜਤ ਲਗਪਗ 15 ਮਰੀਜ਼ ਪਹੁੰਚ ਰਹੇ ਹਨ। ਅੰਬੇਡਕਰ ਹਸਪਤਾਲ ‘ਚ ਈਐੱਨਟੀ ਰੋਗ ਵਿਭਾਗ ਦੇ ਮਾਹਰ ਡਾਕਟਰ ਸੁਨੀਲ ਰਾਮਨਾਨੀ ਨੇ ਕਿਹਾ ਕਿ ਕੰਨ ਦੇ ਪਿੱਛੇ ਦਾ ਹਿੱਸਾ ਕਮਜ਼ੋਰ ਅਤੇ ਸੰਵੇਦਨਸ਼ੀਲ ਹੁੰਦਾ ਹੈ। ਅਜਿਹੇ ‘ਚ ਲਗਾਤਾਰ ਦੋ ਘੰਟੇ ਤੋਂ ਵੱਧ ਸਮੇਂ ਤਕ ਮਾਸਕ ਪਹਿਨਣ ਨਾਲ ਕੰਨਾਂ ਦੇ ਪਿੱਛੇ ਦਰਦ, ਸੋਜ਼ ਦੀ ਸਮੱਸਿਆ ਆ ਜਾਂਦੀ ਹੈ। ਇਸ ਲਈ ਜ਼ਿਆਦਾਤਰ ਦੋ ਘੰਟੇ ਬਾਅਦ ਮਾਸਕ ਲਾਹ ਲਵੋ ਅਤੇ ਥੋੜ੍ਹੇ ਸਮੇਂ ਬਾਅਦ ਫਿਰ ਪਹਿਨ ਲਵੋ। ਲੰਬੇ ਸਮੇਂ ਤਕ ਵਰਤੋਂ ਲਈ ਇਲਾਸਟਿਕ ਵਾਲੇ ਮਾਸਕ ਹਾਨੀਕਾਰਕ ਸਾਬਤ ਹੋ ਸਕਦੇ ਹਨ। ਅਜਿਹੇ ‘ਚ ਡੋਰੀ ਵਾਲੇ ਮਾਸਕ ਬਿਹਤਰ ਹੋ ਸਕਦੇ ਹਨ।